ჭადრაკის ოლიმპიადა: ქართველები მერვენი, ხოტენაშვილს ინდივიდუალური ბრინჯაო

საქართველოს ნაკრებმა — ნანა ძაგნიძე, ნინო ბაციაშვილი, ბელა ხოტენაშვილი, ლელა ჯავახიშვილი და მერი არაბიძე — 6 მოგება, 4 ფრე და 1 მარცხი დააგროვა და მერვე ადგილზე გავიდა.

სტარტი იდეალური იყო: პირველ ტურში ანდორასთან მშრალი გამარჯვება. მეორე ტურში კი მონტენეგროსთან 2:2 — საქართველო ლიდერებს შორის პირველი გუნდი იყო, რომელმაც ქულა დაკარგა. მეოთხე ტურში ავსტრიასთან ოთხივე პარტია ფრედ დასრულდა.

ინდივიდუალურ ჩათვლაში ბელა ხოტენაშვილმა ბრინჯაოს მედალი მოიპოვა — 9 პარტიაში 2408 რეიტინგის თამაშით. ტურნირი ჩინეთმა მოიგო, მეორე და მესამე ადგილზე ყაზახეთი და ინდოეთი გავიდნენ.